5anettou thre3ou ou jré 3lih el oua9t
9al essme7 ken hethi 3icha
zeyed.. ma y7ess bia ken enti ya chicha.
"malla oujouh ou malla bled,
barra 3ayech 5ouya yer7am bouk
9allou sitta men sba3tach!
ena mta3 hetha?!"
.. Kamel kenet 3andou maouhba - melli kbir-
fi 7osn i5tiar el 3ibarat ouel 2alfadh elli tli9 bel ma9am
ouelli tendarej fi 2itar ma youssamma ta7cine oua
ta2tir erracid allaaaa moutanehi min thii9et ettounsi el 3amya
fi rou7ou (ytalla3 rou7ou!) ouel 9iyam mte3ou elli lé ghoubara 3alayha.
méris 5ouna Kamel hioueytou hethi
- fi bidéyéétou - ba7than 3an, ouala 3ayba fi 9aouli thelik,
2al i3fe2 min 2ede2 el ouejeb
el ouatani el mou9addas (el jaych).
Men thomma, dhe9et bih eddenia (cad el 9ahoua) kima 9olna
ou 7ass elli houa re9ed 3la ouedhnih.
batbet 5ouna, sa9sa ou chta7 w rda7
7attééé line chad el fetla, ou bdé ygammer fil ghorza;
"minal 2én fa saa3idan, bech tette9leb el mo3atyet el koll!"
houa men ne7yet bech tette9leb..
t9elbet!
oualla si ou5ayna (ettounsi dima y9oul 5ouya,
saoua2an ken bech yechri mochkla oualla bech yochkor)
3andou 7abl el 2afkar,
ou erro2ya el moutafa77sa lel 2achye2,
ouel 2ab3ad el 5afiya lel mas2la,
ou ouallet 3andou men7et el 3allouch
ou bounouet OK (restos)..
oualla "Si Kamel" mouadheb 3al nachra el jihaouiya
ou charit el 2anbe2,
ou oualla ya3ref el amariken 3lech yemchiou
ou 3lech yjiou
ou oualla yel9a klem e5or ysebb bih el 3rab
(klem maouzoun)
ou dhohrit 3andou nadhra o5ra lel koura
ou jami3 el mounesbet erriyadhia
elli trafref fiha rayet bldeou
ma bine el douel essadi9a ouel cha9i9a,
ila5 ila5 min hek essifet el 7amida,
ou en5arat fik silk essirat el mousta9im
ouel 9ararat errachida,
oua 2asba7a fardan féééé3ilan fil mojtama3,
- bi 2tamm ma3na el kalima -
ba3d ma ken maf3oul fih.
hetha lkoll, ma jech blech - il faut dire -
bima 2annou ettadh7ia lezma (mouch ken fil 3id el kbir)
tadh7iet jicém dima yetfakkarha Kamel
tchiddou ghossa fi 7al9ou,
tzaghlel 3inih beddmou3,
ou yotlob rdhayet rabbi ouel oueldine..
(Yotba3..)
*: personnage purement fictif (mais constructif), toute ressemblance avec une personne réelle ne serait que le fruit du hasard.
**: ce post n'a pas pour but "ettka3rir", c pour reprendre la jolie histoire de si Kamel.
No comments:
Post a Comment